चलचित्र छक्कापञ्जा पाइरेसीकाे अाराेप लागेका कृष्ण सुवदीले आत्महत्या गरेका छन् ।
नवलपरासी कावासोती घर भर्इ बानेश्वरको भीमसेनगोला डेरा गरी बस्दै आएका सुवदीले विहिबार साँझ पासो लगाएर आत्महत्या गरेका हुन्।
अात्महत्या गरेका सुवेदीले एक सुसाइड नाेटसमेत लेखेका रहेछन्ए । सुसाइड नोटमा ‘मलाई माफ गर्नुहोला । बैंक खातामा एक लाख रुपैंया जम्मा गरेको छु, अामालाई दिनुहोला…..।’ लेखिएकाे रहेछ ।
भर्खरै व्याचलर अफ पब्लिक हेल्थ (बिपिएच) सकाएर बसेका सुवेदीकाे आत्महत्याकाे खबरले उनको परिवार शोकमा डुबेको छ ।उनी बिहीबार बिहान मात्रै घरबाट काठमाडौं फर्किएका थिए ।
सुवेदीलाई यसअघि महानगरीय प्रहरी अपराध महाशाखाले ‘छक्का-पन्जा’ फिल्मको पाइरेसी गरेको आरोपमा पक्राउ गरेको थियो । तर, पाइरेसी गर्ने व्यक्ति अर्कै भएकाेले उनलार्इ छाेडिएकाे थियाे ।
यसैबीच छक्कापञ्जाका निर्माता तथा कलाकार दीपकराज गिरीले यस घटनालार्इ अप्रत्यक्ष रूपमा सम्वाेधन गर्दै फेसबुक स्टाटस लेखेका छन् । उनकाे स्टाटस जस्ताकाे तस्तैः
07O सालमा “छ एकान छ” पाइरेसी भयो । उजूरी गरे , ब्यक्ति समातियो पनि… कारबाहि गर्नु पर्ने तर एउटा गरिब मजदूरी गरेर खाने परिवारको केटा परेछ.. उस्को आमालाइ देखेर आफ्नै ऑखामा ऑशु आयो , प्रहरी लाइ अनुरोध गरेर आइन्दा यस्तो नगर भनेर छोड़ी दियौ……
यो पटक स्वर्गीय कृ्ष्ण सुबेदी सहित ४ यूबा समातिय
अपराध महाशाखा प्रमुख सर्बेन्द्र ज्यू र मैले ” पाइरेसी गरेता पनि पैसा कमाउने नियतमा पाइरेसी भाको देखिन्न त्यसैले कार्बाहि नगरौ, केटाहरूको भबिष्य बिगरिन्छ भनेर सामान्य तारिक मा छोडियो, आइतबार देखि त त्यो तारिक बाट पनि मुक्त भैसकेको अबस्था थियो……वारवार सामाजिक संजालमा यूबाहरू लाइ आग्रह पनि गरि रहेको हुन्छू.. कृपया यस्ता साम्ग्री हात पर्दा नहेर्नु राम्रो , हेरे पनि शेयर वा ट्याग नगरौ त्यसले तपाइको पनि भबिष्य बिग्रन सक्छ cyber act ले समात्छ भनेर
यो बिषयमा पनि उदारता देखाएरै केटाहरूलाइ मुद्दा नचलाइ सम्झाएर छोडिएको हो , आफ्नै क्षति हूदॉ हूदै पनि हामिले हदै सम्मको नरम ब्यबहार प्रस्तुत गरेकै हो…. त्यसमाथि अहिले केहि ब्यक्तिहरू ले सामाजिक संजालमा केहि अत्यन्तै असंबेदनशील भइ छक्का पन्जालाइ यस्को भागीदार भएको आरोप पनि लगाइरहेछन् , त्यस्ले थप मर्माहित तुल्याएको छ हामिलाइ …एकातिर चलचित्रको पाइरेसी, अर्को तिर यूवाको मृत्यू को पिडा त्यस्माथि यो असंबेदनशील आरोप …
खाएको बिष मात्रै लाग्नु पर्ने हो.. एकातिर मृतकको परिवार को पिडा सम्झेर दुखित छू, अर्को तिर यस्ता संबेदनाहीन आरोपले मर्माहित तुल्याएको छ..
मृत्यू हो, हत्या हो वा अरू नै केहि कारण हो प्रहरीले अनुशन्धान गरिरहेको छ , प्रहरीले पाइरेसी आरोपमा सफाइ दिइसकेको अबस्थामा यूबकको मृ्त्यू भएको छ , मृत्युको सहि कारण के हो पछि अनुशन्धानबाट खुल्ने नै छ
केहि मिडियाले पनि TRP oriented news लेखिरहेका छन् अत: यो संबेदनशील र मुश्किलको समयमा मन देखि भन्न चाहन्छू हाम्रो १% पनि गल्ति साबित भए हामि सजाए भोग्न तैयार छौ
तर मिथ्या आरोप लगाएर थप पिडा नदिन आग्रह गर्छौ
हामिलाइ सहयोग , साथ र पिडामा पनि हौसला दिने लाखौ साथिहरू लाइ धन्यबाद भन्न चाह्नछौ !!!
0 comments: